އީ-ލާނިންގ ނުވަތަ އޮންލައިންކޮށް ހިލޭ ނުވަތަ ކުޑަ އަގެއްގައި އުގެނުމުގެ ފުރުޞަތުތަކާއި އެފަދަ ބައެއް ސައިޓްތައް

ލިޔުނީ: އިލްޔާސް ޝުޖާޢު (151617)

ފެށުން:

ދުރުން ދޭ ތައުލީމު ފެށުނުތާ ގާތްގަނޑަކަށް 2 ގަރުނުވެއްޖެއެވެ. މި ދެ ގަރުނުގެ ތެރޭގައި ދުރުން ދޭ ތައުލީމު ފޯރުކޮށްދިނުމަށް ބޭނުން ކުރަމުން އައި ގޮތްތަކާއި ވަޞީލަތްތަކަށް ވަނީ ބޮޑެތި ބަދަލުތަކެއް އައިސްފައެވެ. މިގޮތުން އެންމެ ބޮޑު ބަދަލެއް އައީ އިންޓަނެޓުގެ ޒަރީއާއިން މުއާސަލާތުކުރަން ފެށުމުންނެވެ. އިންޓަނެޓުގެ ވަސީލަތާއެކު 1980ގެ އަހަރުތަކުގެ ތެރޭގައި އޮންލައިން ލާނިންގ ނުވަތަ އޮންލައިންކޮށް އުނގެނުން ތައާރަފުވުމާއެކު ދުރުން ދޭ ތައުލީމުގެ ނިޒާމަށް ބޮޑެތި ބަދަލުތަކެއް އައެވެ. އީ-ލާނިންގއަކީ އޮންލައިން ލާނިންއަށް ބޭނުން ކުރާ އެހެން ނަމެކެވެ.
އީ-ލާނިންގެ މި އިސްތިލާހު އުފެދުނު ތާރީޚެއް ސީދާ އެނގޭކަށް ނެތެވެ. ބޮޑަށް ބެލެވެނީ 1980ގެ އަހަރުތަކުގައި އޮންލައިން ލާނިންގ ތައާރަފުވުމާއެކުގައިހެން ބޭނުންކުރަން ފެށުނު ލަފުޒެއް ކަމަށެވެ. މި އިންގިލާބީ ބަދަލުތަކާއެކު އުނގެނުމާއި އުނގަންނައިދިނުމަށް ތަފާތު އެޕްލިކޭޝަންތައް އުފައްދަން ފެށިއެވެ. މިގޮތުން އެންމެ ފުރަތަމަ އުފެއްދި އެޑިޔުކޭޝަނަލް އެޕްލިކޭޝަނަކީ ފްލައިޓް ސިމިއުލޭޓަރއެވެ.<1> 

ޚާން އެކަޑެމީ:

ޚާން އެކަޑެމީއަކީ ހިލޭސާބަހަށް ހިންގާ އޮންލައިން ޕްލެޓްފޯމެކެވެ. މި ޕްލެޓްފޯމުން ފްރީ ލައިބްރަރީގެ ޚިދުމަތް ލިބެއެވެ. މިގޮތުން "މައިކްރީ ލެކްޓަރސް"ތައް ލިބެން ހުރެއެވެ. މި ވެބްސައިޓުން، ތަފާތު މާއްދާތަކުގެ ފިލާވަޅުތަކާ ގުޅޭ ވީޑިއޯއާއި ލިޔުންތައް ލިބެން ހުރެއެވެ. އޭގެތެރޭގައި މެތެމެޓިކްސްއާއި ސައިންސް، އިކޮނޮމިކްސް، ހިއުމޭނިޓީސްއާއި، ކޮންމެވެސް ވަރަކަށް ކޮމްޕިއުޓަރ ޕްރޮގްރާމިންނާ ގުޅޭ ފިލާވަޅުތައް ވެސް ހިމެނެއެވެ. މި ސައިޓަކީ، އެކި މާއްދާތަކާ ގުޅޭ މަތީ ކޯސްތައް ހެދުމަށް ޝައުގުވެރިވާ ފަރާތްތަކުން ފަށައިގަންނަން ވަރަށް ރަނގަޅު ސައިޓެކެވެ.

ކޯޑެކަޑެމީ:

މިއީ ތަފާތު ޕްރޮގްރާމްތައް ލިޔުމުގައި ބޭނުންކުރާ ކޯޑްތައް ލިޔަން ދަސްކޮށް ދިނުމަށް ޚާއްޞަކޮށްފައިވާ އެޕްލިކޭޝަނެކެވެ. ކުރިން މި ޕްލެޓްފޯމް ހިންގީ އެމެރިކާގެ ރިޔާސީ ގަނޑުވަރު "ވައިޓް ހައުސްގެ" އެހީއާ އެކުގައެވެ. މިއީ ވެސް ހިލޭ އުނގެނުމުގެ ފުރުސަތު ފަހިކޮށްދޭ އެޕްލިކޭޝަނެކެވެ. މި ޕްލެޓްފޯމުގައި، އުނގެނުން އަލުވިކޮށްދިނުމުގެ ގޮތުން ގްރޫޕްތަކުގައި، ވާދަވެރިކޮށް އުނގެނުމުގެ މަގު ފަހިކޮށްދެއެވެ. މި ޕްލެޓްފޯމުގައި ކޯޑިންގެ ތަފާތު ލޭންގުއޭޖްތަކުގެ ކޯސްތައް ހެދުމުގެ ފުރުސަތު ލިބެއެވެ. އޭގެތެރޭގައި ޕީއެޗްޕީއާއި ޕައިތޯން އެންޑް ރުބީ ހިމެނެއެވެ. މި ކޯސްތައް ހަދާ ކުދިންނަށް، ކޯހުގެ ފަހު މަރުހަލާގައި ޕްރޮޖެކްޓެއް ޑިސައިން ކުރަން ދެއެވެ.

ކޯސެރާ:

ކޯސެރާ.އޯރގް އަކީ އެމެރިކާގެ ކުރީސަފުގެ ޔުނިވަރސިޓީތަކާއި ދުނިޔޭގެ އެތައް ޔުނިވަރސިޓީތަކަކާ ގުޅިގެން ހިންގާ ޕްލެޓްފޯމެކެވެ. މި ޕްލެޓްފޯމުން ތަފާތު މާއްދާތަކުން އެތައް ކޯސްތަކެއް އޮންލައިންކޮށް ހެދުމުގެ ފުރުސަތު ފަހިކޮށްދެއެވެ. ކޯސްމިތަނުން ހިންގާ ކޯސްތަކުގެ މުގައްރަރާއި ކޯހަށް ދޭން ޖެހޭ ފައިސާގެ މިންވަރު، ކޯސްތަކާ ބެހޭ ލިޔުންތަކާއެކު ފޯރުކޮށްދެއެވެ. ހަފުތާއަކު ކިޔަވަން ޖެހޭ ގަޑީގެ އަދަދުވެސް ބަޔާންކޮށްފައި އޮވެއެވެ. މީގެ ބައެއް ކޯސްތަކަކީ މުޅިން ހިލޭ ހެދޭ ކޯސްތަކެވެ. އަނެއްބައި ކޯސްތަކަކީ މުޅިން ހިލޭ ހެދޭ ކޯސްތަކަކަށް ނުވިޔަސް ކުޑަ އަގެއްގައި މި ކޯސްތައް ހެދުމުގެ ފުރުސަތު ލިބެއެވެ. އަދި ކޯސް ނިމުމުން ސެޓިފިކޭޓު ވެސް ދެއެވެ.

ލިންޑާ.ކޮމް

ލިންޑާއަކީ ވީޑިއޯ ޓިއުޓޯރިއަލްތައް ފޯރުކޮށްދޭ އޮންލައިން އެޑިޔުކޭޝަނަލް ޕްލެޓްފޯމެކެވެ. މިއީ ވިޝުއަލް ލާނަރސްއަށް ވަރަށް ރަނގަޅު ޕްލެޓްފޯމެކެވެ. މަހަކު 25 ޑޮލަރަށް މެންބަރޝިޕް ހައްދައިގެން، އެކި މާއްދާތަކާ ގުޅޭ އަށްޑިހަ ހާހަށް ވުރެ ގިނަ ވީޑިއޯ ޓިއުޓޯރިއަލްތައް ބަލައިލުމުގެ ފުރުސަތު ލިއްބައިދެއެވެ.

އެޑްމޯޑޯ:

އެޑްމޯޑޯއަކީ ވެސް އޮންލައިންކޮށް ކިޔެވުމުގެ ފުރުސަތު ފަހިކޮށްދޭ އެޕްލިކޭޝަނެކެވެ. މިޕްލެޓްފޯމަށް ވަދެ، ރަޖިސްޓްވެގެން ކޯސްތައް ހެދުމުގެ ފުރުސަތު އޮވެއެވެ. ބޮޑަށް އަމާޒުކޮށްފައިވަނީ ގްރޭޑް ކުލާސްތަކާއި، ހައިސްކޫލު ކުލާސްތަކަށެވެ. ދަރިވަރެއްގެ ގޮތުގައި ނުވަތަ ޓީޗަރެއްގެ ގޮތުގައި ވެސް ރެޖިސްޓަރ ވެވިދާނެއެވެ. ޓީޗަރެއްގެ ގޮތުގައި ރެޖިސްޓަރ ވެފައި، ކުލާސް ގްރޫޕެއް ހަދައިގެން، ގްރޫޕް ކޯޑް ހިއްސާކޮށްގެން އަމިއްލަ ކުލާސް ގްރޫޕެއް ހެދިދާނެއެވެ. މީގެ އިތުރުން އެކިއެކި ރިސޯސްތަކާއި ލައިބްރަރީގެ ޚިދުމަތް ވެސް ލިބިދެއެވެ. އަދި އެޑްމޯޑޯގެ ފަރާތުން ޕްރޮފެޝަނަލް ޑިވެލޮޕްމަންޓް ޓްރއިންނިންފަދަ ތަމްރީނުތައް ފޯރުކޮށްދެއެވެ.

ޖެނެރަލް އެސެމްބްލީ:

ޖެނެރަލް އެސެމްބްލީއަކީ ބިޒިނަސްއާއި، ޑިޒައިންކުރުމާއި ޓެކްނޮލޮޖީއަށް އަމާޒުކޮށް ކޯސްތައް ހިންގާ އޮންލައިން ޕްލެޓްފޯމެކެވެ. އެމެރިކާގެ ނިއުޔޯކުގައި މައިމަރުކަޒު ހުންނައިރު ދުނިޔޭގެ އެކި ހިސާބުތަކުގައި ބާރަވަރަކަށް ކެމްޕަސް ހުރެއެވެ. އޮންލައިން ކޯސްތަކާއި، މަސްހުނި ކޯސްތައް (އޮންލައިން އަދި އިންޕަރސަން) ވެސް ހިންގައެވެ. މީގެ އިތުރުން ލެކްޗަރާއާއި ދަރިވަރުންނަށް ސުވާލާ ޖަވާބު ހުށަހެޅޭ ގޮތަށް މަޝްހޫރު ތަގުރީތުތައް ލައިވްސްޓްރީމް ކުރެއެވެ.

މިނޫނަސް އެތައް އެޕްލިކޭޝަންތަކެއް އެބަހުއްޓެވެ. މިއަދު ޓެކްނޮލޮޖީއާއި އިންޓަނެޓް ތަރައްގީވުމުގެ ސަބަބުން ތައުލީމު މިވަނީ އަތްފޯރާފަށަށް ގެނެސްދީފައެވެ. ގޭގައި އިނދެގެން ވެސް ކިޔަވަންވީއެވެ.

ވަކިވަކި މާއްދާތަކަށް ޚާއްޞަ ތައުލީމީ ސޮފްޓްވެއަރތައް:

(މި ސޮފްޓްވެއަރތަކާ ބެހޭ އިތުރު މައުލޫމާތު ހޯދުމަށް އެ ލިންކުތަކަށް ފިއްތާލައްވާ)

އެނަޓޮމީ:

•  ތްރީޑީ އިންޑިއާނާ
• ބޮޑީވާރކްސް ވޮޔޭޖަރ – މިޝަން އިން އެނޮޓަމީ
• ޕްރިމަލް ޕިކްޗަރސް
• ވިސިބަލް ހިއުމަން ޕްރޮޖެކްޓް

ކެމިސްޓްރީ:

• އަކިއޮން – ވޯޓަރ ކެމިސްޓްރީއަށް....

ކުޑަކުދިންނަށް ޚާއްޞަ ސޮފްޓްވެއަރ:

• ކްލޫ ފައިންޑަރ  
• ޑެލްޓާ ޑްރޯވިންގް
• ފަން ސްކޫލު  

ޑިކްޝަނަރީސް އެންޑް ރެފަރެންސް:

• ބްރިޓޭނިކާ
• އެންކާޓާ

 އެންސައިކްލޮޕީޑިއާ ބްރިޓޭނިކާ އަލްޓިމޭޓް ރެފަރެންސް ސައިޓް

ހަވާލާ ލިސްޓް:
https://en.wikipedia.org/wiki/Educational_software

https://www.upwork.com/blog/2014/02/10-top-sites-online-education/

https://en.wikipedia.org/wiki/List_of_educational_software

https://en.wikipedia.org/wiki/Edmodo

http://www.edudemic.com/best-web-tools/